أحبائي، معكو دكتور عامر جرايسي ضمن برنامج ” أنا مش هيك”
اليوم راح نحكي عن التنمر وشو الفرق بين التنمر وبين المزح
طبعا في فرق بين التنمر وبين المزح، التنمر هو شكل من أشكال العنف اللي بسبب الأذى والاساءة لشخص اخر.
طبعا ممكن يمارسة فرد تجاه مجموعة أو مجموعة تجاة فرد
لكن هي بتسبب الاساءة والاذى للطرف الاخر بواسطة التهديد ، التجريح ، التحريض ضد هذا الشخص فهو شكل من اشكال العنف وهو ممكن يمارسة شخص قوي تجاة اشخاص مستضعفين
لكن المزح هو هدفه ان يسبب لجو لطيف يبسم او يرسم البسمة عند وجه الاخر ، فهو هدفه تلطيف الجو ، هاد هو الفرق الكبير بين التنمر والمزح
لكن لما منحكي عن التنمر ، في عدة أنواع من التنمر، في التنمر اللفظي عن طريق الكلام ،انا بستخدم الفاظ شتائم سخرية، الفاظ غير مناسبة تجاة الطرف الاخر
في التنمر الجسدي، بالتنمر الجسدي انا بمارس العنف الجسدي مثل الركل اللكم الصفع الدفع تجاه شخص اخر
وفي كمان التنمر النفسي ، انا بمارس تهديد، ببث اشاعات ، بحاول اخلق عند الشخص شعور بالخوف
واليوم كمان ننحكي عن التنمر الالكتروني، التنمر الالكتروني هو سلوك مؤذ ، متكرر، متعمد بواسطة ارسال صورة او رسالة بتخص شخص اخر وهدفها الاساءة له، هدفها التسبب له بالتخويف التجريح والتعذيب
التنمر ممكن يصير بشكل مباشر او غير مباشر ، مباشر مثل التنمر اللفظي أو الجسدي. بشكل مباشر انا باذي الطرف الاخر.
وفي التنمر الغير مباشر التنمر، الغير مباشر مثل مثلا انا بهدد الشخص بمقاطعته اجتماعيا ، بصير احرض اشخاص اخرين انو ما تمشوا معو وما تتقربوا منه ما تدعموه وما تحبوه.
وبالنهاية بقلكوا : انا عامر ” انا مش هيك” انت شو؟؟؟
