أحبائي، معكو دكتور عامر جرايسي ضمن برنامج انا مش هيك
اليوم بدنا نحكي عن النصائح اللي احنا ممكن نوجها للأبناء والطلاب عشان نقدر نحد من ظاهرة التنمر الالكتروني
بالبدايه بدي اقول ان الاصبع حل محل اللسان اليوم وعشان هيك احنا منقول “اصبعك حصانك، ان صنته صانك وان خنته خانك” .
شو منساوي؟؟
اول اشي لازم نوجه الطلاب يعرفوا شو يعني ظاهرة التنمر الالكتروني ومدى خطورتها
القانون ما بعفي الاشخاص اللي ما بعرفوا عن هاي الظاهرة
شغلة ثانية، طلابنا لازم يكون الهن موقف واضح ورافض لهاي الظاهرة عشان نحد منها مدى خطورتها
كثير مهم نعرف انو الانترنت هي مثلها مثل النار ، هي مش مزحة، هي مش لعبة، هي مش هدف للتسلية
في شخص اخر ورا الشاشة واحنا ممكن نسببلو معاناه بدرجة كثير كبيرة ، في حالات وصلت لحالات الانتحار واكيد مش صحيح اني اكون جزء من انو اتعرض لهاد الشخص واسببلو الانتحار والموت
طبعا هاد ممكن يعاقب عليه القانون، كثير مهم ، كثير مهم انو احنا نحل مشاكلنا بواسطة مواقع التواصل الاجتماعي بطريقة حضارية، بالكلام ، بالحوار ، بالحديث مع هذا الشخص
كثير كمان مهم نعرف انو لما منتلقى رسالة ، نعرف مضمونها ، مش نحط لايك عالعميان
كثير مهم انو احنا ما نشارك وما نشترك بكل رسالة فيها المضمون بأذي الطرف الاخر
كثير مهم نعرف انو فش حدا فينا محصّن من انو يتعرض للتنمر الالكتروني
اليوم هو بكرا انا ، عشان هيك انو هدفنا كلنا انو نحط حد لهاي الظاهرة
وبالنهاية بقلكو انا عامر انا مش هيك انت شو؟؟
