أحبائي، انتو مع دكتور عامر جرايسي ضمن برنامج ” أنا مش هيك” , اليوم احنا بدنا نتطرق للأهالي ونيجي نقلهن كيف احنا بدنا نعرف شو عم بصير مع اولادنا داخل الشبكات الأجتماعية
طبعا لما الانترنت دخل لكل مكان والاجهزة الذكية متوفرة بكل محل صارو اولادنا يستخدموا هاي الاجهزة والانترنت بشكل كبير فيو حرية ، فيو افراط، وبكثير من الاحيان مفش مراقبة كافية ومتابعة كافية من الأهل .
مهم كثير انو الأهل يتابعوا اولادهن ويعرفوا شو بصير داخل الشبكات الاجتماعية وعشان هيك بدي اعطيكوا بعض النصائح:
أول شيء، انو احنا نفسنا نعرف نستخدم الشبكات الاجتماعية ووسائل الانترنت على كل انواعها
شغلة ثانية انو احنا نثقف ابنائنا شو هو السلوك السليم والخاطيء داخل الشبكات الأجتماعية ، كمان نثقفهن بكل موضوع التنمر الالكتروني .
من جهة ثانية احنا كثير مهم نكون شركاء في حسابات ابنائنا داخل الشبكات الاجتماعية ، نكون أصدقاء عشان نعرف شو عم بصير هناك ومهم اولادنا يعرفوا انو احنا عم منراقب سلوكياتهم هناك عشان نقدر نحميهن من كل الاخطار الموجودة في الشبكة العنكبوتية
من جهة اخرى ، كثير مهم نراقب شو عم بصير مع اولادنا في اليوم يوم ، لما بطلع من غرفتو ، لما بمسك الجهاز، هل هو غاضب؟ هل هو مستاء؟ هل هو بميل للعزلة ، هل هو بطل يمارس ويتواصل مع هاي الوسائل ، ممكن هاد بدل انو هو عم بتعرض للأذى بهاي الشبكة
كمان نوصل لاولادنا انو احنا عنوانكو ، تعرضتوا لرسالة مسيئة ، لتصرف لصورة لمضمون مشبوه مش مريح اتوجهوا النا احنا البالغين احنا اهلكوا احنا ممكن نساعدكوا.
بالنهاية ، بقلكوا انا عامر انا مش هيك, انتو شو ؟؟؟
